Özbəkistan
ölkə profili
Please select your language of preference.
May 2026
Özbəkistan Azərbaycan üçün strateji əhəmiyyətə malik və sürətlə böyüyən turizm bazarlarından biridir. Güclü tarixi-mədəni əlaqələr, dil və həmçinin güclənən regional əlaqələr hesabına 2025-ci ildə Azərbaycana səyahət edən MDB ölkələri arasında Özbəkistan ön sıralarda yer tutmuşdur. Özbək turistlər ortaq tarixi-mədəni irsə və İslam dəyərlərinə görə Azərbaycana xüsusilə üstünlük verirlər və bu faktor onlarda ölkəyə qarşı doğmalıq və bağlılıq hissi oyadır. Eyni zamanda, Bakıda müasir şəhər həyatını yaşamaqla yanaşı, təbiəti və bölgələri kəşf etmək imkanları da Azərbaycanın seçim kimi cəlbediciliyini daha da artırır. Alış-veriş, qastronomiya və qısamüddətli şəhər turları da səyahət üçün əsas motivasiyalardandır. Bu bazarın inkişafına birbaşa uçuşların genişlənməsi, orta təbəqənin artan gəlirləri və ənənəvi istiqamətlərdən kənarda yeni beynəlxalq səyahət təcrübələrinə yüksələn maraq güclü təkan verir.
· İyun – avqust – pik mövsüm, məktəblərdə yay tətili – mayın sonu/iyunun əvvəli (3 ay)
· Mart (Novruz bayramı) – kütləvi səyahət dövrü, məktəblərdə yaz tətili – martın sonu/aprelin əvvəli (10-14 gün)
· May tətili – qısamüddətli istirahətlər (9-11 may)
· Sentyabr – oktyabr – payız mövsümündə səyahət
· Dekabrın sonu/yanvarın əvvəli – Yeni il tətili (məktəblərdə qış tətili – 28 dekabr-10 yanvar)
· Əlavə olaraq, 2026-cı ilin qeyri-iş günləri: 27-30 may (Qurban bayramı), 31 avqust – 1 sentyabr (Müstəqillik günü), 1 oktyabr (Müəllimlər günü), 8 dekabr (Konstitusiya günü)
Özbək turistlər əsasən 25-44 yaş aralığında olub, Daşkənd, Səmərqənd və Buxara kimi böyük şəhərlərdən gəlirlər. 2025-ci ilə qədər bu seqmentdə artan alıcılıq qabiliyyətinə malik orta və yuxarı orta gəlirli insanların sayı sürətlə genişlənir və onların beynəlxalq səyahətlərə marağı daha da güclənir. Xaricə səyahət tendensiyaları göstərir ki, turistlər artıq yalnız büdcəyə uyğun səfərlərlə kifayətlənmir, daha çox təcrübə və emosiyalar üzərində qurulan səyahətlərə üstünlük verirlər. Eyni zamanda ailə və qrup halında səyahətlərə maraq artır, daha keyfiyyətli yerləşmə imkanlarına və peşəkar şəkildə təşkil olunmuş tur paketlərinə tələbat isə getdikcə güclənir.
• Şəhər turları və alış-veriş turizmi: Bakı kimi istiqamətlərə səfər edən özbək turistlər arasında ən populyar səyahət formatlarından biridir. Xüsusilə Daşkənd və digər böyük şəhərlərdən gələn turistlər alış-veriş, qastronomiya və müasir şəhər həyatını əhatə edən qısa, lakin zəngin təcrübəli səyahətlərə böyük maraq göstərirlər.
• Mədəni turizm: Tarixə, memarlığa və muzeylərə xüsusi maraq əsasında formalaşan əsas seqmentdir. Özbək turistlər mədəni oxşarlıq və zəngin mədəni irsə malik istiqamətlərə xüsusi maraq göstərirlər. Bu səbəbdən tarixi abidələr və ənənəvi təcrübələr onların səyahətlərinin ən vacib hissəsinə çevrilir.
• Qastronomiya turizmi: yemək mədəniyyəti səyahət seçimlərinə təsir edən əsas amillərdən biridir.Özbək turistlər yerli mətbəx, ənənəvi restoranlar və bazarlar daxil olmaqla autentik kulinariya təcrübələri axtarırlar və həm oxşar, həm də fərqli dadlar təklif edən istiqamətlərə üstünlük verirlər.
• Ailəvi istirahət: Səyahətlər çox vaxt ailə ilə birlikdə planlaşdırıldığına görə bu növ səyahətlər əsas seqmentlərdən biri hesab olunur. Rahatlıq, təhlükəsizlik və uşaqlar üçün əyləncələr daxil olmaqla ailə yönümlü infrastruktur və xidmətlər təklif edən istiqamətlərə üstünlük verilir.
• Təbiət və bölgə turizmi: Xüsusilə şəhər gəzintilərini füsünkar bölgələrə səfərlərlə birləşdirmək istəyən turistlər arasında bu istiqamətə maraq sürətlə artır. Dağların, göllərin mənzərələrini və kənd həyatının gözəlliklərini seyr etmək, xüsusilə böyük şəhərlərdən əlçatan olduqda, daha çox diqqət cəlb edir.
• Sağlamlıq və tibbi turizm: Spa kurortlarına, müalicəvi proqramlara və profilaktik sağlamlıq xidmətlərinə artan maraq bu seqmentin sürətlə inkişaf etməsinə təkan verir. Termal resurslar və ya unikal sağlamlıq təcrübələri təklif edən istiqamətlər xüsusi diqqət çəkməkdədir.
• Dini turizm: Orta səviyyədə əhəmiyyət daşısa da, xüsusilə məscidlərin və mədəni baxımdan önəmli mənəvi məkanların ziyarəti ilə bağlıdır və çox vaxt daha geniş mədəni səyahət planlarına daxil edilir.
2025-ci ildə xarici turistin ölkə daxilində ortalama xərci — adambaşına təxminən 900-1,200 ABŞ dolları
· Ailələr
· Cütlüklər
· Dostlar / kiçik qruplar
• Sosial media və rəqəmsal platformalar: sosial media ən təsirli kanallardan biridir, Telegram isə xəbərlər, səyahət təklifləri və tövsiyələr üçün dominant platformadır. Instagram və YouTube vizual ilham üçün geniş istifadə olunur və influenserlərin istiqamət seçiminin formalaşmasında mühüm rol oynayır, qısa video məzmunu getdikcə səyahət qərarlarına daha çox təsir edir.
• Şifahi tövsiyələr: dostlar, ailə və həmkarların şəxsi tövsiyələri ən etibarlı məlumat mənbələrindən biri hesab olunur. Bu, xüsusilə etimad əsaslı qərarvermənin güclü olduğu Özbəkistanda əhəmiyyət kəsb edir.
• Turizm agentlikləri: səyahətçilərin əhəmiyyətli hissəsi turpaketləri, viza dəstəyi və qrup səfərləri üçün offlayn və onlayn agentliklərə güvənir. Ailələr və ilk dəfə xaricə səyahət edənlər üçün səyahətin təşkilində agentliklər mühüm rol oynayır.
• Onlayn səyahət platformaları (OTA-lar): Gənc və müstəqil səyahətçilər tərəfindən Booking.com, Aviasales və TripAdvisor kimi platformalar qiymət müqayisəsi, rəylərin oxunması və rezervasiyalar üçün geniş istifadə olunur.
• Influenserlər və blogerlər: Səyahət blogerləri və influenserlər Instagram, YouTube və Telegram kanallarında daha vacib rol oynayır, xüsusilə. Onların məzmunu çox vaxt birbaşa istiqamət seçiminə və səyahət planlaşdırılmasına təsir edir.
• Axtarış sistemləri: Planlaşdırma mərhələsində Google istiqamətlər, marşrutlar və səyahət logistikasının araşdırılması üçün əsas vasitə olaraq qalmaqdadır.
• Ənənəvi media: Rəqəmsal kanallarla müqayisədə daha az təsirli olsa da, TV proqramları və onlayn xəbər portalları ümumi məlumatlılığın formalaşmasında rol oynayır.
Özbək turistlər seqmentdən asılı olaraq fərqli bron davranışı nümayiş etdirir. Gənc səyahətçilər qısamüddətli səyahətlər üçün çox vaxt son dəqiqə bron edirlər və onlayn platformalardan yararlanırlar. Bunun əksinə olaraq, ailələr və qrup halında səyahət edənlər isə səfərlərini adətən 2–6 həftə əvvəl planlaşdırırlar və səyahət agentlikləri vasitəsilə bron edirlər.
Bir çox səyahətçi rahatlıq və təşkil olunmuş marşrutlara üstünlük verdiyindən turpaketləri əldə etmək üçün səyahət agentliklərinə müraciət edən səyahətçilər də var. Daha təcrübəli səyahətçilər arasında müstəqil şəkildə bronetmə prosesi geniş vüsət almaqdadır.
· Səyahət agentlikləri
· Onlayn bronetmə
· Hotellərlə birbaşa bron
Səyahətçilərin Booking.com, Aviasales və TripAdvisor kimi beynəlxalq platformalar vasitəsilə araşdırma apardıqları, lakin çox vaxt rezervasiyanı yerli agentliklər, aviaşirkət saytları (məsələn, Uzbekistan Airways) və Fly Khiva və MyBooking.uz kimi yerli platformalar vasitəsilə tamamladıqları hibrid model. Səyahətçilər Booking.com, Aviasales və Tripadvisor kimi beynəlxalq platformalarda araşdırma aparsalar da, bronetmə prosesini çox vaxt yerli səyahət agentlikləri, Uzbekistan Airways kimi aviaşirkətlərin saytları və Fly Khiva, MyBooking.uz kimi yerli platformalar vasitəsilə tamamladığı hibrid modelə üstünlük verirlər.
· Ortalama səyahət müddəti (2025): 5-7 gün
· Getdikcə artan qısamüddətli səyahətlər (3-4 gün)
· Kompas Travel (Kompas Kazakhstan tərəfindən idarə olunur)
· Fun&Sun (Fun&Sun Kazakhstan tərəfindən idarə olunur)
· Asialux Travel
· Prestige Travel (bir neçə sorğuya görə Azərbaycan istiqaməti üzrə lider)
· Kazunion (Kazunion Kazakhstan tərəfindən idarə olunur)
· Selfie Travel/InUp (Selfie Travel Kazakhstan tərəfindən idarə olunur. Misir istiqaməti üzrə lider)
· Fly Khiva Travel
· Centrum Holidays
· Pac Group (kruizlər və Avropa İttifaqı istiqamətləri)
· Easy Booking
· Aqua Travel Plus
· Malva Tour (əsas istiqamətlər Malayziya, İsıkkul (Qırğızıstan))
· Salambo Travel (eksklüziv səfərlər)
Özbəkistandan Azərbaycana gələn turistlərin sayı illər üzrə sabit artım göstərir. Gəliş sayı 2022-ci ildə təxminən 26,000-dən 2023-cü ildə 39,000-ə (+52%), 2024-cü ildə 46,000-ə (+17%) yüksəlib, 2025-ci ildə isə 62,000-I (+35%) ötmüşdür. Bu göstərici turizm bazarının davamlı şəkildə böyüdüyünü və getdikcə daha güclü turizm mənbəyinə çevrildiyini göstərir.
Özbəkistanlı ziyarətçilərin 70%-i istirahət və əyləncə məqsədilə, 8%-i isə işgüzar məqsədilə Azərbaycana səfər edir.
Orta hesabla özbək turist Azərbaycanda 1,732 AZN xərcləyir, bu xərclərin 47%-i nəqliyyata, 18%-i yerləşməyə və 18%-i qidaya sərf olunur.
2025-ci ildə özbəkistanlıların 45%-i Azərbaycanda 1-3 gecə, 31%-i isə 4-7 gecə qalmışdır.
Özbəkistanlıların Azərbaycanda ən çox ziyarət etdiyi bölgələr Naftalan, Quba, Qusar, Qəbələ və Gəncədir.
Azərbaycana səfər edən özbək turistlər tarix, müasir şəhər həyatı və istirahəti bir araya gətirən səyahət təcrübələrinə böyük maraq göstərirlər. Səyahətləri zamanı turistlər həm qədim tarixi məkanları kəşf etməyi, yerli mətbəx ləzzətlərindən dadmağı, alış-veriş etməyi, həm də bölgələrə qısa səfər etməyi birləşdirərək hər səfəri daha dolğun və yaddaqalan etməyə çalışırlar. Bu seçimlər iki xalq arasındakı mədəni yaxınlığı hiss etdirməklə yanaşı, fərqli və zəngin təcrübələrlə dolu səyahətlərə artan marağı da əks etdirir.
· İçərişəhər
· Şirvanşahlar sarayı
· Qobustan qoruğu
· Atəşgah məbədi
· Şəki Xan sarayı
· Heydər Əliyev Mərkəzi
· Xalça muzeyi
· Yerli bazarlar
· Restoranlar
· Şirniyyatlar və çay mədəniyyəti
· Konsertlər
· İdman tədbirləri
· Festivallar
· Naftalan
· Duzdağ
· Qalaaltı
Artan gəlirlər, genişlənən birbaşa uçuş şəbəkəsi və beynəlxalq səyahətlərə yüksələn maraq fonunda Özbəkistandan xaricə turizm axınının yaxın illərdə də dinamik artımını davam etdirəcəyi gözlənilir. 2025-ci ildə xaricə səfərlərin sayı əvvəlki illə müqayisədə təxminən 22% artaraq 7,6 milyona çatıb və bu artım ölkədə səyahət mədəniyyətinin sürətlə genişləndiyini, beynəlxalq turizmə marağın isə daha da gücləndiyini göstərir.
Ən populyar istiqamətlər Türkiyə, BƏƏ, Səudiyyə Ərəbistanı, Qazaxıstan və Rusiyadır. Eyni zamanda Qafqaz ölkələrinə (Azərbaycan və Gürcüstan daxil olmaqla), Cənub-Şərqi Asiyaya (Tayland, Vyetnam) və seçilmiş Avropa istiqamətlərinə maraq tədricən artmaqdadır.
Bununla yanaşı, səyahət seçimlərində daha rəngarəng və təcrübə yönümlü istiqamətlərə doğru aydın dəyişiklik müşahidə olunur. Qısamüddətli şəhər səyahətlərinə, yaxın məsafəli istiqamətlərə və daha keyfiyyətli turizm təcrübələrinə təlabat artmaqdadır.
• Qısamüddətli şəhər səfərləri və əsas təcrübələri əhatə edən dinamik səyahət marşrutları: Xüsusilə Daşkənd və digər böyük şəhərlərdən gələn turistlər üçün 3–4 günlük səfərlərin təşviqinə diqqət yetirmək. Özbək turistlər qısa, lakin tez-tez edilən səyahətlərə üstünlük verdikləri üçün Bakı istirahət, alış-veriş və qastronomiyanı birləşdirən ideal istiqamət kimi ön plana çıxır.
• Alış-veriş, qastronomiya və müasir şəhər kimi tanıdılması: Azərbaycanı müasir, dinamik atmosferə malik, geniş alış-veriş imkanları və zəngin kulinariya təcrübələri təqdim edən cəlbedici bir istiqamət kimi təqdim etmək. Tanış dadlarla yeni ləzzətlərin harmoniyası isə xüsusilə bu bazarın marağına uyğun gəlir.
• Əsas turoperatorları ilə əməkdaşlıq: Xaricə səyahət axınının böyük hissəsi Daşkənddə cəmləşdiyi üçün Daşkənddə fəaliyyət göstərən turoperatorları ilə tərəfdaşlığa üstünlük vermək. Aparıcı agentliklərlə güclü əməkdaşlıq əlaqələri qurmaq turpaketlərin və qrup səfərlərinin satışını artırmaq baxımından mühüm rol oynayır.
• Ailə yönümlü məhsul inkişafı: Rahatlıq, komfort və bütün yaş qrupları üçün uyğun fəaliyyətləri ön plana çıxaran ailə yönümlü turpaketlərinin hazırlanmasına diqqət yetirmək vacibdir.
• Telegram və influenserlər vasitəsilə rəqəmsal marketinq: Özbəkistanda ən effektiv kommunikasiya kanallarından hesab olunan Telegram və influenser marketinqinə xüsusi diqqət yetirmək. Blogerlər və kontent yaradıcıları turistlərin səyahət seçimlərinə və qərarlarına ciddi təsir göstərirlər.
• Mədəni oxşarlıq və əlçatanlıq əsasında tanıdılma: Mədəni yaxınlıq, rahat səyahət imkanları və coğrafi yaxınlıq kimi üstünlükləri ön plana çıxarmaq Azərbaycanın əlçatan və cəlbedici istiqamət kimi seçilməsini daha da gücləndirir.
• Keyfiyyətlə uyğunlaşan qiymət: Qiymət və keyfiyyət arasındakı uğurlu balansı vurğulamaq xüsusilə önəmlidir. Çünki turistlər büdcələrinə diqqətlə yanaşmaqla yanaşı, artıq daha yüksək xidmət standartları, daha komfortlu şərait və daha yaddaqalan təcrübələr axtarırlar.