Beynəlxalq tədbirlər üçün seçim prosesi
Beynəlxalq tədbirlərdə və sərgilərdə iştirakçıların seçilməsi zamanı ədalətli və şəffaf yanaşma əsas prioritetimizdir. Bu yanaşma hər bir uyğun şirkətə tədbirin məqsədlərinə və tələblərinə uyğun olaraq bərabər iştirak imkanı yaradır.
Seçim prosesimiz aydın müəyyən edilmiş uyğunluq tələblərinə və qiymətləndirmə meyarlarına əsaslanır. Bu meyarlar şirkətlərin uyğunluğu və göstəricilərini dəyərləndirmək üçün hazırlanmışdır. Aşağıda müraciət edənlərin qiymətləndirilməsi və iştirak yerlərinin paylanması ilə bağlı şəffaf və etibarlı bir prosesin ümumi baxışı verilmişdir.
Uyğunluq tələbləri
İştirak üçün müraciət edən bütün şirkətlər aşağıdakı tələblərə cavab verməlidir:
1. Əməliyyat təcrübəsi: Qeydiyyatdan keçən şirkət Azərbaycanda gəlmə turizmi səhəsində ən azı 3 il rəsmi şəkildə fəaliyyət göstərməlidir (bu meyar yalnız turizm şirkətləri üçün nəzərdə tutulub)
2. Keçmiş əməkdaşlıq: Qeydiyyatdan keçən şirkət Azərbaycan Turizm Bürosu ilə öncəki əməkdaşlıqlardan heç bir borcu olmamalıdır.
3. Tədbir bölgəsinə uyğunluq: Qeydiyyatdan keçənlər tədbirin keçirildiyi regionda fəaliyyət və iştirak səviyyəsi nümayiş etdirməlidirlər.
4. Peşəkar assosiasiyalara üzvlük: Qeydiyyatdan keçənlər peşəkar turizm assosiasiyalarının üzvü olmalıdırlar, məsələn, ATAA (Azərbaycan Turizm Agentlikləri Assosiasiyası), AHA (Azərbaycan Otel Assosiasiyası) və s.
Ayrılmış yerlər
- Yerlərin 10%-i aşağıdakı kateqoriyalara ayrılır:
- Yeni yaradılmış şirkətlər
- Dövlət müəssisələri
- 90% iştirakçılar aşağıdakı qiymətləndirmə meyarlarına əsaslanan rəqabət prosesi vasitəsilə seçilir:
Qiymətləndirmə meyarları
- Tədbirin hədəf bazarına uyğunluq (Çəki: 5)
- Bazar üzrə peşəkarlıq, dil biliyinə malik personal, ixtisaslaşmış məhsullar və müştəri xidmətləri kimi amillər əsasında qiymətləndirilir.
- Fəaliyyətin qiymətləndirilməsi hesabatı (Çəki: 4)
- Keçmiş tədbirlərdə şirkətin fəaliyyətinə əsaslanaraq qiymətləndirilir.
- Müştəri rəyləri (Çəki: 4)
- Etibarlı mənbələrdən alınan müştəri rəyləri nəzərə alınır.
- Rəqəmsal məlumat (Çəki: 3)
- Onlayn bron sistemi, Azərbaycana aid veb-saytlar və aktiv sosial media hesabları kimi amillər əsasında qiymətləndirilir.
- Turizm reyestrində aktivlik (Çəki: 2)
- Turizm Reyestrinin proqramlarında və keyfiyyət təşəbbüslərində iştirak nəzərə alınır.
- İştirak mütamadiliyi (Çəki: 1)
- Oxşar tədbirlərdə az sayda iştirak edən şirkətlər daha çox üstünlük verilir.
Məlumat toplama prosesi
Ədalətli seçimi təmin etmək üçün məlumatlar daxili qaynaqlar və təsdiqlənmiş resurslar vasitəsilə toplanır. Müştəri rəyləri üçün Tripadvisor, Trip.com, Google Business Profile, TrustYou və Booking.com kimi beynəlxalq siyahılardakı rəylər yoxlanılır.
Müraciət edən partnyorlardan xahiş olunur ki, Turizm Reyestrindəki məlumatlarını daim yenilənmiş saxlasınlar, çünki bu, qiymətləndirmə prosesində əsas rol oynayır.
Biz şəffaf və əlçatan bir seçim prosesi tətbiq edərək, obyektiv və ölçülə bilən meyarlar əsasında iştirakçıların seçilməsini təmin etməyi hədəfləyirik.
* Nəzərdə tutulan iştirakçı sayına çatmadıqda, tədbir ləğv oluna bilər.
