Azərbaycan Konqreslər Bürosu

Azərbaycan Turizm Bürosunun nəzdində fəaliyyət göstərən Azərbaycan Konqreslər Bürosu (AKB) Azərbaycana işgüzar tədbirlərin cəlb edilməsi üzrə fəaliyyətin təşviqi ilə məşğul olan aparıcı qurumdur. Azərbaycan Respublikası Dövlət Turizm Agentliyi tərəfindən bu quruma Azərbaycanda işgüzar tədbirlər sənayesinin inkişaf strategiyasını həyata keçirmək səlahiyyəti verilmişdir.

AKB-nin strateji məqsədlərinə informasiya və dəstək xidmətlərini təmin etməklə Azərbaycanın qabaqcıl işgüzar tədbirlər destinasiyası kimi mövcud imkanlarını qlobal müstəvidə göstərmək, potensial tədbirləri müəyyənləşdirmək, səmərəli kommunikasiya və lobbiçilik fəaliyyəti aparmaq, işgüzar tədbirlər sənayesi üzrə tərəfdaşları və digər maraqlı tərəfləri bir araya gətirmək və destinasiya adından tədqiqat fəaliyyətlərini genişləndirmək kimi məsələlər daxildir.

AKB Azərbaycan və tərəfdaş şirkətləri üçün ilboyu səmərəli biznes şəraiti yaratmaq məqsədilə birlikdə çalışan dövlət və özəl müəssisələri öz ətrafında birləşdirən platformadır. 

AKB Beynəlxalq Konqres və Konfranslar Assosiasiyasının (ICCA) üzvüdür və tədbirlərin planlaşdırılmasının bütün aspektləri üzrə işgüzar tədbirlər sənayesi peşəkarlarına yardım göstərməyə xüsusilə böyük diqqət verir. Ölkə barədə dərin biliklərə malik AKB komandasının turizm və işgüzar tədbirlər sənayesində fəaliyyət göstərən şirkətlərlə sıx əməkdaşlıq münasibətləri vardır.

Daha ətraflı məlumat üçün, zəhmət olmasa, AKB veb-saytını ziyarət edin.