bizim

Müasir Bakı 19-cu əsrin sonu, 20-ci əsrin əvvəllərində məşhur "neft bumu"nun təsiri ilə öz görkəmini qazandı və Qərb ilə Şərqin təsirlərini özündə birləşdirən kosmopolit mərkəzə çevrildi. Bu möhtəşəm dəyişikliyin ön sıralarında yaratdıqları əsərlər ilə inanılmaz miras qoymuş bir sıra polyak memarlar da var idi.

Azərbaycanda sağlamlıq turizmi deyəndə ağıla ilk gələn məhz Naftalan olur. Qədim insan məskənlərindən olan bu müasir şəhərdə nəinki sağlamlığınızın qeydinə qala, həmçinin ailəlikcə maraqlı və gözəl anlarla zəngin vaxt keçirərək istirahət edə bilərsiniz.

Azərbaycanda onlarla köçəri və daimi məskunlaşmış quşlara rast gəlmək olar. Ölkəmizdəki ornitoloji turizm imkanları haqda broşürdən ətraflı məlumat ala bilərsiniz.

Azərbaycanın şimal-qərb rayonları təbiəti, mədəniyyəti və qonaqpərvər insaları ilə turistlərin diqqətini daim cəlb edir. Bu broşürdə regionla bağlı turistləri maraqlandıran məqamlar yer alıb.

Azərbaycan qədim şərabçılıq mərkəzidir. Hətta araşdırılmışdır ki, dünyada ilk dəfə şərab Naxçıvan ərazisində hazırlanıb. Ölkəmizin təbiəti üzümçülük üçün uyğundur. Bu isə şərabçılıq turizmi üçün əhəmiyyətlidir.

Azərbaycan misilsiz təbiətə, unikal mədəniyyətə və əsrlərə dayanan zəngin adət-ənənələrə və mətbəxə malik bir ölkədir; özünün qonaqpərvər və mehriban Qafqaz ənənələrini qoruyub saxlamaqla, ən incə zövqlü qonaqların belə yüksək gözləntilərini qarşılayacaqdır. Burada Şərqin gözəl rəng çalarları Qərbin tərəqqisi ilə möhtəşəm şəkildə uyğunlaşır.