ATB Cənubi Koreya turizm sənayesi nümayəndələri üçün tanışlıq səfəri təşkil edib

20–26 oktyabr tarixlərində Cənubi Koreyanın 5 aparıcı turizm şirkətinin nümayəndələri üçün Azərbaycan Turizm Bürosu tərəfindən tanışlıq səfəri təşkil olunub. Səfər turizm sahəsində əməkdaşlığın gücləndirilməsi və Koreya turizm şirkətlərinin Azərbaycanı əsas səyahət destinasiyası kimi daha yaxından tanımasına şərait yaradıb.

Proqram çərçivəsində qonaqlar Bakının mədəni və tarixi məkanlarını ziyarət edib, həmçinin koreyalı turistlər arasında maraq yaradan Şamaxı, Qəbələ və Şəkiyə səfər ediblər. Onlar Azərbaycanın zəngin mədəni irsi, füsunkar təbiəti və müasir turizm imkanları ilə yaxından tanış olaraq Cənubi Koreya bazarı üçün cəlbedici olan təcrübələr ilə yaxından tanış olublar.

24 oktyabr tarixində Koreya turizm sənayesi nümayəndələri ilə yerli sənaye tərəfdaşlarını bir araya gətirən B2B görüşlər təşkil olunmuşdur. Görüşlər qarşılıqlı fikir mübadiləsi aparmağa, bazar tələblərini müzakirə etməyə və gələcək əməkdaşlıq imkanlarını inkişaf etdirməyə şərait yaradıb.

Dostlarınla paylaş