Qazaxıstan

ölkə profili 

İyul 2025-ci il

Bazarla bağlı xüsusi məlumat  

Azərbaycan üçün əhəmiyyəti 

Qazaxıstan Azərbaycan turizm sektoru üçün strateji baxımdan əhəmiyyət kəsb edən bazarlardan birinə çevrilməkdədir. 2024-cü il ərzində Azərbaycan qazaxıstanlı turistlərin ən çox səfər etdiyi ölkələrdən biri olmuşdur. Qazaxıstandan gələn turistlər ölkəmizin zəngin təbii resurslarını və mədəni irsini yüksək dəyərləndirirlər. Onların əsas maraq dairəsinə xüsusilə sağlamlıq turizmi daxil olmaqla, kurortlar, termal spa mərkəzləri və müasir tibbi xidmətlər daxildir. Bu kontekstdə Azərbaycan sağlamlıq yönümlü turizm məhsulları ilə cəlbedici və rəqabətqabiliyyətli istiqamət kimi qiymətləndirilir. 

Qazaxıstanlı turistlərin Azərbaycana artan marağı iki ölkə arasında mövcud olan güclü iqtisadi, mədəni və regional əməkdaşlıqla yanaşı, sağlamlıq, istirahət və qastronomiya sahələrindəki ortaq maraqlarla da stimullaşdırılır. Bununla yanaşı, əlverişli coğrafi mövqeyi, vizasız rejimi və inkişaf etmiş turizm infrastrukturu ölkəmizi həm qısamüddətli səfərlər, həm də uzunmüddətli istirahət üçün cəlbedici turizm istiqamətinə çevirir. 

Əsas tətil günləri  

  • İyun – avqust: yay tətili, ilin ən uzun səyahət dövrü 

  • Martın sonu və aprelin əvvəli: Novruz və Ramazan bayramları 

  • 1–11 may: may bayramları 

  • 25 oktyabr – 5 noyabr: Respublika günü və payız məktəb tətilləri 

  • Dekabr – yanvarın əvvəli: Müstəqillik günü, qış tətilləri, Yeni il 

Turist məlumatı 

Turist profili 

Qazaxıstanlı turistlərin böyük əksəriyyəti 26–40 yaş arasındadır, ən fəal səyahət edən qrup isə 26–35 yaş aralığına daxildir. 2023-cü ildə 25–34 yaş arasında olan şəxslər xaricə ümumilikdə 260,804 dəfə səyahət ediblər. Müqayisə üçün, 55–64 yaş qrupuna aid olanlar tərəfindən 111,518 səfər həyata keçirilib. Bu göstəricilər həm ölkədaxili, həm də beynəlxalq turizmdə əsas hərəkətverici qüvvənin gənc yetkinlər olduğunu aydın şəkildə ortaya qoyur. 

İstirahət növləri 

  • Yay və çimərlik tətili: Qazaxıstanlı turistlər arasında yay aylarında dənizkənarı istirahətə yüksək tələbat müşahidə olunur. Ən çox seçilən istiqamətlərə Türkiyə (Antalya), Tailand (Phuket) və Misir (Şarm əl-Şeyx) daxildir daxildir. 

  • Sağlamlıq və tibbi turizm: Fiziki, zehni və emosional rifahla bağlı xidmətlərə artan maraq nəticəsində, tibbi müalicə və spa prosedurlarına olan tələbat əhəmiyyətli dərəcədə yüksəlmişdir. Bu baxımdan spa mərkəzləri, sağlamlıq düşərgələri və yoqa institutlarının populyarlığı artmaqdadır. 

  • Lüks turizm: Yüksək gəlir qrupuna aid turistlər arasında premium kateqoriyalı hotellər, beynəlxalq səviyyəli alış-veriş mərkəzləri və elit restoranlarda istirahətə xüsusi önəm verilir. Bu baxımdan Bakı və Qəbələ əsas seçimlər sırasındadır. 

  • Təbiət və açıq havada istirahət: Açıq havada istirahətə üstünlük verən qazaxıstanlı turistlər yürüş, düşərgəçilik və qış mövsümündə xizəksürmə (xüsusilə Şımbulaq və Medeo kurortlarında) kimi fəaliyyətlərə meyillidirlər. Eyni zamanda, təbiətə maraq göstərən turistlər dağlıq, meşəlik və göllərlə zəngin əraziləri seçirlər. 

  • Macəra və aktiv istirahət: Ekstremal və qeyri-ənənəvi fəaliyyətlərə maraq artmaqdadır. Paraplanla uçuş, trekkinq və ov turları bu istiqamətdə ön plana çıxır. 

  • Tədbirlər və festivallar: Qazaxıstanlı turistlər beynəlxalq miqyaslı musiqi festivallarına (xüsusilə Avropa və ABŞ-dən dəvət olunan sənətçilərin çıxış etdiyi tədbirlərə), idman yarışlarına və digər kütləvi tədbirlərə yüksək maraq göstərirlər. 

Üstünlüklər  

  • Dil: Qazaxıstanda rus dili geniş istifadə olunduğundan, əhalinin əhəmiyyətli bir hissəsi məhz rusdilli kommunikasiya mühiti olan turizm istiqamətlərinə üstünlük verir. Bu səbəbdən, rus dilinin başa düşüldüyü və ya fəal şəkildə istifadə edildiyi ölkələr qazaxıstanlı turistlər üçün daha əlverişli hesab olunur. 

  • Mədəni və tarixi əlaqələr: Azərbaycan və Qazaxıstan ortaq türk mənşəli ənənələrə, İslam mədəniyyətinə və oxşar tarixi irsə malikdirlər. Bu amillər qarşılıqlı anlayış və mədəni yaxınlıq fonunda turizm əlaqələrinin inkişafına əlverişli zəmin yaradır. 

  • Yaxın istiqamətlər: İki ölkə arasında mövcud olan coğrafi yaxınlıq və vizasız rejim sayəsində səyahət logistikası sadələşmişdir. Bu da qazaxıstanlı turistlərin regiondaxili səfərlərə üstünlük verməsinə səbəb olur. 

  • Qış və yay fəsillərində istirahət imkanları: Azərbaycanda həm yay aylarında çimərlik turizminin, həm də qış aylarında dağ-xizək fəaliyyətlərinin mövcudluğu Qazaxıstandan gələn turistlər üçün xüsusi maraq doğurur. Fəsillərə uyğun olaraq diversifikasiya olunmuş istirahət imkanları bu bazar üçün əlavə cəlbedicilik yaradır. 

  • Təhlükəsizlik məsələləri: Qazaxıstan vətəndaşları turizm istiqaməti seçərkən təhlükəsizlik və siyasi sabitlik faktorlarını prioritet hesab edirlər. Azərbaycanın bu sahədəki mövcud imici turistlərin özlərini səyahət zamanı güvənli və komfortlu hiss etmələrinə şərait yaradır. 

  • Ailə istirahəti: Qazaxıstanda ailə institutunun mühüm sosial əhəmiyyətə malik olması səbəbilə, uşaqlarla səyahət edən turistlər adətən ailə üzvlərinin maraqlarını nəzərə alan xidmət və fəaliyyətlər təqdim edən istiqamətləri seçirlər. Bu kontekstdə ailəvi istirahət üçün uyğun şəraitə malik turizm imkanları xüsusi əhəmiyyət daşıyır. 

Ortalama xərcləmə  

2024-cü ildə Qazaxıstan turistləri xarici tətilə hər biri üçün orta hesabla 1,200 ABŞ dolları xərcləyiblər.  

Səyahət edən əsas kütlə: 

  • Ailələr 

  • Cütlüklər 

  • Dostlar 

Məlumat mənbəyi  

  • Sosial media (YouTube (22.8%), Facebook (20.3%), Twitter (17.5%), Pinterest (11.8%), Instagram (11.8%) və Reddit (8.7%)) 

  • Dost tövsiyələri 

  • Turizm agentlikləri 

  • Onlayn səyahət agentlikləri 

  • Televiziya proqramları (Kazakhstan TV, Khabar TV, Astana TV) 

  • Radio (Qazaq Radio, Radio Astana) 

  • Qəzetlər (Egemen Qazaqstan, Kazinform) 

Planlama və səyahətlə bağlı qərarvermə müddəti  

Qazaxıstanlı turistlər, xüsusilə gənc nəsil, səyahətləri çox vaxt son anda bron edirlər. Həftəsonu səfərləri daxil olmaqla, qısamüddətli turlara tələbat artmaqdadır. Qazaxıstandan gələn turistlər daha çox istirahət və bərpa məqsədli sağlamlıq turlarına üstünlük verirlər. 

Lakin turoperatorlar vasitəsilə səyahət edən qazaxıstanlılar səfər paketlərini səyahət tarixindən təxminən 2 ay əvvəl əldə edirlər. 

Alış-veriş vasitələri  

  • Səyahət agentlikləri 

  • Onlayn bronetmə 

  • Yaşayış obyektləri ilə birbaşa bron 

Paylama sistemi  

  • Ən çox istifadə edilən onlayn platformalar: booking.com, aviasales.kz, tripadvisor.ru, tickets.kz, tutu.ru, aviasales.ru, qui-quo.ru, ht.kz, tourvisor.ru, flypgs.com və kompastour.kz 

Xüsusi turizm sahələri  

  • Xüsusi turoperatorları (aktiv idman, MICE, sağlamlıq və qolf yönümlü turlar) 

Səyahət müddəti  

2024-cü ildə qazaxıstanlıların əsas tətil müddəti orta hesabla 5–7 gün təşkil edib.

Səyahət sənayesi üzrə məlumat 

Aparıcı turizm şirkətlərinin siyahısı: 

  • Kompas Kazakhstan 

  • Tez Tour Kazakhstan 

  • Travelland.kz 

  • Turan Asia 

  • SAYAKHAT 

  • Kazunion 

  • Pegas Touristik 

  • Anex Tour 

  • Kompas Tour 

  • Fun&Sun 

  • Selfie travel 

  • Join UP 

Birbaşa uçuşlar 

 

Astana / Almatı / Aktau / Atırau 

  • Azerbaijan Airlines (azal.az): Bakı – Astana, həftədə dörd reys 

  • FlyArystan (flyarystan.com): Astana – Bakı, həftədə iki reys 

  • Azerbaijan Airlines (azal.az): Bakı – Almatı, həftədə dörd reys 

  • Air Astana (airastana.com): Almatı – Bakı, həftədə iki reys 

  • SCAT Airlines (scat.kz): Almatı – Bakı, həftədə beş reys 

  • FlyArystan (flyarystan.com): Aktau – Bakı, həftədə üç reys 

  • Azerbaijan Airlines (azal.az): Bakı – Aktau, həftədə altı reys 

  • Azerbaijan Airlines (azal.az): Bakı – Atırau, həftədə iki reys 

  • Air Astana (airastana.com): Atırau – Bakı, həftədə üç reys 

Bazarda əsas tədbirlər  

  • Kazakhstan International Exhibition (KITF) – hər il keçirilir 

  • Luxury Travel Market (LTM) – ildə iki dəfə keçirilir 

ATB tədbirləri 

Azərbaycanda Qazaxıstan turistləri: əsas statistikalar və anlayışlar 

Gəlişlər 

Statistika 

Səfərin məqsədi  

Qazaxıstandan Azərbaycana gələn turistlərin 61%-i istirahət və əyləncə məqsədilə, 17%-i qohum və dostlarını ziyarət etmək üçün, 14%-i isə işgüzar məqsədlərlə səfər edir. 

Ortalama xərcləmə  

Qazaxıstanlı turist Azərbaycanda orta hesabla 1,647 AZN xərcləyir. Büdcənin 43%-i nəqliyyata, 22%-i yaşayışa, 19%-i isə qidaya sərf olunur. 

Qalma müddəti  

2024-cü ildə qazaxıstanlı turistlərin 45%-i Azərbaycanda 1–3 gecə, 30%-i isə 4–7 gecə qalıb. 

Ən çox ziyarət edilən regionlar  

Qazaxıstanlı turistlər Azərbaycanda ən çox Quba, Qusar, Qəbələ, Gəncə və Naftalan bölgələrini ziyarət edirlər. 

Turist üstünlükləri və maraqları  

Qazaxıstandan gələn turistlər Azərbaycanda mədəni və tarixi təcrübələrə böyük maraq göstərirlər. Bu təcrübələrə memarlıq abidələri, təbiət turizmi, milli mətbəx və şərab, festivallar və tədbirlər daxildir. 

Abidələr və tarixi binalar 

  • Bakının qədim binaları 

  • Şirvanşahlar sarayı 

  • Atəşgah məbədi 

  • Qobustan qoruğu 

  • Palçıq vulkanları 

  • Yanardağ Qoruğu 

  • Xınalıq qoruğu 

  • Şəki Xan sarayı 

Muzeylər və qalereyalar 

  • Heydər Əliyev Mərkəzi 

  • Xalça muzeyi 

  • Əli Şəmsi studiyası 

  • Miniatür kitab muzeyi 

Festivallar və tədbir turizmi 

  • Formula 1 

  • Dream Fest 

  • Konsertlər 

  • İdman tədbirləri 

Mədəni və kulinariya təcrübələri 

  • Yerli bazarlara səfər 

  • Kulinariya mərkəzləri 

  • Şəki paxlavası dükanları 

  • Lənkəran Sitrus Vadisi 

  • Qara kürü turları 

  • Qastroturlar (o cümlədən Şimali-Qərb bölgələrində “Slow Food” təcrübəsi) 

  • Şərab turları (Meysəri, Savalan, Chabiant və Xan şərabçılıq zavodları) 

Tibbi turizm 

  • Naftalan 

  • Duzdağ 

  • Lənkəran 

  • Qalaaltı 

  • Qəbələ (Chenot Palace) 

Çimərliklər 

  • Sea Breeze Resort 

  • Amburan Beach Club 

  • The Crescent Beach Hotel 

  • Mərdəkan 

  • Pirşağı 

  • Zuğulba 

  • Bilgəh 

Əlavə məlumat 

Qazaxıstan üzrə xarici turizm proqnozu 

Qazaxıstanlı turistlər arasında xaricə səyahət getdikcə daha populyarlaşır və onların əhəmiyyətli hissəsi Cənub-Şərqi Asiya istiqamətlərinə üstünlük verir. Çin əsas istiqamətlərdən birinə çevrilib və ilin sonuna qədər Qazaxıstandan ora səfərlərin 300% artacağı proqnozlaşdırılır. Ardınca Vyetnam 200%, Qətər isə 160% artım göstəricisi ilə gəlir. Ənənəvi olaraq, Türkiyə, Misir, BƏƏ, Vyetnam, Tailand, Çin, Gürcüstan, Maldiv adaları, Qətər və Şri-Lanka Qazaxıstan turistlərinin ən çox səyahət etdiyi ölkələr olaraq qalır. 

Qazaxıstan bazarında yer almaq üçün tövsiyələr 

  • Almatı və Astana kimi iri şəhərlərdən gələn yüksək gəlirli turistlər üçün Bakı və ölkənin regionlarına yönəlmiş qısamüddətli şəhər tətilləri və həftəsonu turları təşviq edilməlidir. Bu məqsədlə adıçəkilən şəhərlərdə fəaliyyət göstərən aparıcı turoperatorlarla strateji tərəfdaşlıqların qurulması məqsədəuyğundur. 

  • Şımkent, Atırau, Aktobe və digər orta ölçülü şəhərlərdən gələn turistlər üçün Bakı və regionlara uzunmüddətli səfərlərin təşviqi vacibdir. Bu kontekstdə müvafiq bölgələrdə fəaliyyət göstərən yerli turizm agentlikləri ilə əməkdaşlıq imkanlarının genişləndirilməsi tövsiyə olunur. 

  • Qazaxıstan bazarında marketinq fəaliyyətləri əsasən yüksək və orta seqmentli turist auditoriyalarına yönəldilməli, bu zaman coğrafi mənsubiyyət və səyahət davranışları nəzərə alınmaqla diferensiallaşdırılmış yanaşma tətbiq edilməlidir. 

  • Bakı şəhəri hazırda Avropaya səfər edən qazaxıstanlı turistlər arasında qısamüddətli “stopover” (keçid dayanacağı) kimi dəyərləndirilir. Bu növ dayanacaqlar adətən 2–3 gün davam edir. 

  • Azərbaycanın MICE (biznes tədbirləri, konfranslar və s.) sahəsindəki imkanları Qazaxıstanın artan biznes turizmi tələbatını nəzərə alaraq, məqsədyönlü kommunikasiya və tanıtım kampaniyaları vasitəsilə təqdim edilməlidir.  

Əlaqədar şəxs  

Günel Ələkbərova, MDB və Asiya regionu üzrə iş sektorunun müdiri