Cənubi Koreya
ölkə profili
Please select your language of preference.
Fevral, 2025-ci il
Cənubi Koreya xüsusilə pandemiyadan sonrakı dövrdə güclü artım potensialı nümayiş etdirərək Azərbaycanın turizm sənayesi üçün əsas hədəf bazarlardan biri hesab olunur. Koreyalı turistlər Azərbaycanın zəngin tarixi, rəngarəng mədəniyyəti, təbii mənzərələri, qonaqpərvərliyi və müasirliklə tarixiliyin unikal sintezini yüksək qiymətləndirirlər. Cənubi Koreya turistləri xaricə səfər zamanı orta hesabla 1500–2000 dollar xərcləyərək qlobal turizm iqtisadiyyatına əhəmiyyətli töhfə verirlər.
1 yanvar: Yeni il günü
Fevral: Ay təqviminə görə Yeni il (3-5 gün, hər il dəyişir)
Aprel-may: Buddanın doğum günü (hər il dəyişir)
1 may: Əmək günü (məhdud şəkildə qeyd olunur)
5 may: Uşaqlar günü
İyul-avqust: Yay tətili (məktəb tətilləri)
Sentyabr-oktyabr: Çuseok (Koreyanın Şükür bayramı, 3-5 gün, hər il dəyişir)
25 dekabr: Milad bayramı
Dekabr-yanvar: Qış tətili (məktəb tətilləri)
Cənubi koreyalı turistlər əsasən 25-45 yaş arası iş adamları və 60 yaşdan yuxarı şəxslərdən ibarət olur. Ailəvi səyahət edənlər, bal ayı keçirənlər və müstəqil səyahətçilər artan seqmentlər arasındadır.
Şəhər turları: Müasir şəhər mənzərələri və tarixi memarlığa maraq göstərilir.
Mədəni istirahət: Muzeylərə, tarixi abidələrə və yerli ənənələrə böyük maraq göstərilir.
Qastronomik turlar: Yerli mətbəx və şərab turları yüksək qiymətləndirilir.
Lüks istirahət: Yüksək səviyyəli qonaqlama yerləri və kurortlara üstünlük verilir.
Macəra və təbiətlə əlaqəli fəaliyyətlər: Qolf, haykinq, xizəksürmə və termal bulaqlar kimi fəaliyyətlərə maraq böyükdür.
Alış-veriş turizmi: Ənənəvi bazarlar və yüksək səviyyəli alış-veriş məkanları ziyarət edilir.
Ətraflı planlama: Destinasiya haqqında məlumatlar onlayn turagentliklər, sosial şəbəkələr, ailə və dostlardan alınan məlumatlar vasitəsilə ətraflı araşdırılır.
Pulun dəyəri: Qiymət-performans nisbəti yüksək olan, şəffaf qiymət təklif edən destinasiyalara üstünlük verilir.
Təhlükəsizlik: Yüksək təhlükəsizlik səviyyəsinə malik olan, siyasi cəhətdən stabil ölkələr seçilir.
Rahatlıq və keyfiyyət: Yüksək keyfiyyətli qonaqlama vasitələri, premium xidmətlər və lüks təkliflərinə üstünlük verilir.
Çoxməkanlı səyahət: Bir səfər zamanı bir neçə ölkə və ya destinasiya ziyarət edərək səyahətdən maksimum həzz və təcrübə əldə edilir.
Mədəni təcrübə: Yerli mətbəx, adət-ənənələr və tarixi kimi orijinal mədəni təcrübələrə maraq göstərilir.
Rahat səyahət: Birbaşa uçuşlar, vizasız rejim və ya asan viza tətbiqi, əlaqələndirilmiş nəqliyyat sistemi kimi rahat səyahət imkanları yüksək qiymətləndirilir.
İnstaqramdan paylaşmağa uyğun yerlər: Sosial şəbəkələrdə paylaşmaq üçün fotogenik məkanlar ziyarət edilir.
Cənubi koreyalı turistin xaricdəki ortalama xərcləri hər səyahət üçün 1500-2000 dollar arasında dəyişir. Büdcə bölgüsü: 40% yerləşmə üçün, 30% yemək və alış-veriş üçün, 20% nəqliyyat üçün təşkil edir.
Ortalama səyahət müddəti: 5-10 gündür, adətən bir səyahət zamanı bir neçə destinasiya ziyarət edilir.
Ailələr
Yaşlılar
Cütlüklər
Gənc nəsil
Tək səyahət edənlər
Lüks səyahət həvəskarları
Sosial media (Instagram, YouTube, Naver Blog, KakaoTalk Channels)
Onlayn turagentliklər (Interpark, HanaTour, ModeTour, Yellow Balloon Tour)
Səyahət icmaları və forumlar (Naver Café, Səyahət bloqları, onlayn rəylər)
Dost tövsiyələri (şifahi məlumat)
Cənubi koreyalı turistlər adətən səyahətlərini aşağıdakı məqsədlərlə əvvəlcədən planlaşdırır və rezervasiya edirlər:
Uzaq məsafəli səyahətlər üçün, xüsusilə uzun uçuşlar və mürəkkəb marşrutlar tələb edən istiqamətlərə səfərlər zamanı onlar adətən 6 aydan 1 ilə qədər əvvəldən plan qurur və rezervasiya edirlər.
Əsas bayramlar və ya beynəlxalq səyahətlər üçün, xüsusilə yay və qış tətilləri kimi pik mövsümlərdə, adətən 3-6 ay əvvəldən plan qurulur və rezervasiya edilir.
Qısamüddətli səyahətlər və ya son dəqiqə edilən rezervasiyalar, xüsusilə daxili səyahətlər və ya Yaponiya, Tayvan kimi Şərqi Asiyada yerləşən yaxın istiqamətlər üçün geniş yayılıb. Bu destinasiyalar daha az hazırlıq tələb edir, eyni zamanda vizasız giriş və ya sadələşdirilmiş viza prosedurları kimi asan giriş imkanları təqdim edir.
Həftəsonu və ya qısamüddətli istirahət səyahətləri üçün rezervasiyalar adətən 1-2 ay əvvəldən edilir. Bu zaman rezervasiya imkanları və endirim təklifləri seçimdə həlledici rol oynayır.
Onlayn rezervasiyalar
Səyahət agentlikləri
Onlayn səyahət agentlikləri: Yanolja, Yeogieottae, Agoda, Naver Travel, Skyscanner, Interpark, My real trip, Klook
Səyahət agentlikləri: Hana Tour, Mode Tour, Very Good Tour, Lotte Tour, Yellowballoon
Populyar turizm və səyahət veb-saytları: hanatour.com, modetour.com, verygoodtour.com, lottetour.com, ybtour.co.kr
İnfluenserlərdən ilhamlanan səyahət: İnfluenserlərin səyahət marşrutlarını izləmək koreyalı səyahətçilər arasında populyardır. İnsanlar getdikcə daha çox Instagram və YouTube kimi platformalarda influenserlərin paylaşdığı səyahət məzmunlarından ilham alırlar. Onlar marşrutlarını, təcrübələrini və kəşf etdikləri gizli məkanları paylaşdıqları üçün səyahətçilər tez-tez bu səfərləri təkrarlamağa çalışırlar. Onlar eyni istiqamətlərə səyahət edir, eyni hotellərdə qalır, hətta eyni yemək və fəaliyyət tövsiyələrinə üstünlük verirlər. Bu trend xüsusilə sosial media məzmununun təsirinə tez düşən gənc auditoriya arasında geniş yayılıb.
Fərdiləşdirilmiş və kiçik qruplarla səyahətlərin artan populyarlığı: Koreyalı səyahətçilər getdikcə daha çox fərdiləşdirilmiş və kiçik qruplarla səyahətə üstünlük verir, zövqlərinə uyğun təcrübələr axtarırlar. Bu trend xüsusilə gənc peşəkarlar və ailələr arasında populyardır, çünki onlar əksəriyyətin istifadə etdiyi səyahət planlarını deyil, fərdiləşdirilmiş marşrutları və eksklüziv təcrübələri üstün tuturlar.
Səyahət destinasiyalarının genişlənməsi: Bir çox ölkə üçün viza tələblərinin yüngülləşməsi sayəsində koreyalı turistlər həm yaxın, həm də uzaq məsafədəki destinasiyaları daha çox araşdırmağa başlayıblar. Vizasız və ya gəlişdə viza ilə daxil olmaq mümkün olan Yaponiya, Tayvan və Cənub-Şərqi Asiya kimi populyar ölkələrə yüksək tələbat qalarkən, Avropa, Yaxın Şərq və Amerika kimi uzaq məsafədəki səyahət destinasiyaları da getdikcə daha çox maraq görür.
Koreyalı turistlər adətən 7-10 günlük məzuniyyətlərə çıxırlar, bu müddətin 3-5 günü bir beynəlxalq destinasiya üçün sərf edilir. Onlar bir neçə destinasiyanı əhatə edən turlara üstünlük verir və tez-tez bir neçə yerə baş çəkirlər. Bu tendensiya uzaq məsafələrə edilən səyahətlərdə daha çox müşahidə olunur, çünki turistlər daha çox şəhər və ya ölkə kəşf edərək maksimal təcrübə yaşamaq istəyirlər.
Hana Tour
Mode Tour
Very Good Tour
Lotte Tour
Yellowballoon
Interpark
Yanolja
Yeogieottae
Agoda
Naver Travel
• Cənubi Koreyadan Azərbaycana birbaşa uçuşlar yoxdur; səyahətçilər adətən Dubay, İstanbul və ya Doha üzərindən ölkəmizə gəlirlər.
• Əsas Cənubi Koreya aviaşirkətləri (Korean Air, Asiana Airlines) tərəfdaş qurumlar vasitəsilə əlaqələndirilmiş uçuşlar təklif edir.
WTIC və SITF (Lakin son zamanlar turizm idarələri getdikcə daha çox qısamüddətli müstəqil tədbirlər təşkil edir.)
2017-ci ildən etibarən cənubi koreyalı turistlərin Azərbaycana marağı artıb, lakin COVID-19 səbəbilə gəlişlərdə azalma baş verib və bu tendensiya 2021-ci ilə qədər davam edib.
2021-ci ildən 2023-cü ilə qədər post-pandemiya dövründə turist sayı bərpa olunmağa başladı, 2022-ci ildə gəlişlər 467% artdı, 2023-cü ildə isə 2022-ci ilə nisbətən 228% artım müşahidə olundu. 2022-ci il, həmçinin bərpa tendensiyasının güclü olduğunu göstərdi.
2024-cü ildə Cənubi Koreyadan gələn turistlərin sayı 15,004 nəfərə çatdı və əvvəlki illə müqayisədə 94.6% artım müşahidə olundu.
Cənubi Koreyadan Azərbaycana gələn turistlərin əksəriyyəti əyləncə və istirahət məqsədilə səyahət edir, bəzi turistlər isə işgüzar məqsədlər üçün gəlirlər.
Cənubi koreyalı turist Azərbaycanda gündə 300-600 AZN xərcləyir, büdcələrinin təxminən 40%-i nəqliyyata, ardınca isə 35%-i qonaqlamaya və 25%-i yeməyə ayrılır.
2024-cü ildə Cənubi koreyalıların 90%-i Azərbaycanda 2-3 gecə, 10%-i isə 4-5 gecə qalıb.
Cənubi koreyalılar tərəfindən Azərbaycanda ən çox ziyarət edilən bölgələr Bakı (Abşeron), Şəki və Qəbələdir.
Koreyalı turistlər xüsusilə Azərbaycan Turizm Bürosunun (ATB) məhsul altkateqoriyalarına aid olan aşağıdakı mədəniyyət və təbiət təcrübələrinə üstünlük verirlər:
Tarix və mədəniyyət: Tarixi binalar, abidələr, muzeylər, qalereyalar və kitabxanalar
Təbiət və müalicə turları: Milli parklar və təbiət əraziləri, dağ və vadi yürüşləri, kempinq və qlampinq, quş müşahidəsi
Sağlamlıq turizmi və rekreasiya: Mineral və termal bulaqlar, SPA və hamamlar, bitkilərlə müalicə, resurslara əsaslanan müalicə
İstirahət və fəaliyyətlər: İdman, alış-veriş, əyləncə parkları və əyləncə mərkəzləri
Yerli mədəniyyət təcrübələri: Etnik kəndlər, fermalar və kənd təsərrüfatı fəaliyyətləri, üzüm bağları və şərab zavodları
Uzunmüddətli qalma və "bir ay qalma" təcrübələri: Kəndlərdə uzun müddət yaşamaq və müalicəvi istirahət
Bakının tarixi və mədəni turu (İçərişəhər, muzeylər və tarixi abidələr)
Qobustanda təbiət yürüşü və termal SPA təcrübəsi
Ənənəvi kənd həyatı və yerli mətbəx təcrübəsi
Şərabçılıq turu və kulinariya təcrübəsi
Kurort və termal SPA-larda sağlamlıq istirahəti
Qolf və idman fəaliyyətləri paketi
"Bir ay qalma" proqramı (Təbiətin qoynunda və yerli həyat tərzinə uyğunlaşaraq yaşamaq təcrübəsi)
Ənənəvi kənd evində qonaqlama və yemək hazırlama dərsləri
Xüsusi mövzulu turlar (Məsələn, filmlərin çəkildiyi məkanlar turu, spa və sağlamlıq fokuslu proqramlar)
|
|
Hər kəsə uyğun |
Əlavələr |
Xüsusi uyğunlaşdırılmış |
|
Tarixi binalar |
|
|
|
|
Abidələr |
|
|
|
|
Muzeylər, qalereyalar və abidələr |
|
|
|
|
İdman |
|
|
|
|
Etnik və mədəni kəndlər |
|
|
|
|
Əkinçilik və kənd təsərrüfatı məhsulları |
|
|
|
|
Alış-veriş |
|
|
|
|
Üzüm bağları və şərabçılıq |
|
|
|
Cənubi Koreyanın turizm bazarındakı trendlər güclü inkişaf tempinin olduğunu göstərir:
İqtisadi tənəzzülün davam etməsinə baxmayaraq, xaricə səfər edən insanların sayı artmaqdadır. Koreya Tədqiqat Mərkəzinin dərc etdiyi "2025-ci ilin İlk Yarısı Üçün Səyahət Planları" hesabatına görə, 2021-ci ildən bəri xaricə səfər edənlərin sayı mütəmadi olaraq artır. İllik xaricə səyahət təcrübəsi göstəricilərinə baxdıqda, bu rəqəmlər 2019-cu ildə 28,71 milyon, 2020-ci ildə 4,28 milyon, 2021-ci ildə 1,22 milyon, 2022-ci ildə 6,55 milyon və 2023-cü ildə 22,71 milyon olub. 2020-2022-ci illər arasında COVID-19-un təsiri nəticəsində xaricə səyahətlərdə kəskin azalma müşahidə edilib. Ötən ilin yanvar-noyabr ayları ərzində xaricə gedənlərin cəmi sayı 25,97 milyona çataraq artıq 2023-cü ilin ümumi göstəricisini geridə qoyub. (Mənbə: News Link)
Ay təqvimi ilə Yeni il tətilində rekord sayda – 4,33 milyon sərnişin hava nəqliyyatından istifadə edib. Koreya Hava Limanları Korporasiyası və İnçxon Beynəlxalq Hava Limanı Korporasiyasının təqdim etdiyi məlumatlara görə, Yanqyanq və Muan hava limanları istisna olmaqla, yanvarın 24 yanvar-2 fevral tarixləri arasında ölkə üzrə 13 hava limanından ümumilikdə 4,33 milyon sərnişin (gəliş və gediş birlikdə) istifadə edib. Bu göstərici ötən ilin Ay təqvimi ilə Yeni il tətili ilə müqayisədə 106,8% artım deməkdir. Həmin dövrdə sərnişin sayı 2,09 milyon olmuşdu. Bundan əlavə, bu ilki göstərici keçən ilin altı günlük Çusok tətili (2,64 milyon sərnişin) ilə müqayisədə 64% artıb. Hava limanları üzrə İnçxon Beynəlxalq Hava Limanı ən çox sərnişinə xidmət göstərib – 2,19 milyon nəfər, bu da ümumi göstəricinin yarısını təşkil edir. Ondan sonra 754 783 sərnişinlə (17,4%) Çeju Hava Limanı, 591 200 sərnişinlə (13,6%) Gimpo Hava Limanı və 475 917 sərnişinlə (11%) Gimhae Hava Limanı gəlir. Beynəlxalq istiqamətlər arasında ən çox səfər edilən ölkə 789 829 sərnişinlə Yaponiya olub. Onu 391 635 sərnişinlə Çin və 345 818 sərnişinlə Vyetnam izləyib. (Mənbə: News Link)
Koreya ticarətində dəqiqlik, güclü münasibətlər və aydın ünsiyyət yüksək qiymətləndirilir. Koreya dili ana dili olsa da, xüsusilə turizm və ticarət sektorlarında ingilis dili geniş şəkildə qəbul edilir və işgüzar əlaqələr üçün effektiv hesab olunur.
KakaoTalk platformasına ilkin və davamlı ünsiyyət üçün üstünlük verilir. Bununla belə, xüsusilə KOTFA (Koreya Dünya Səyahət Sərgisi) və STIF (Seul Turizm Sənayesi Sərgisi) kimi iri ticarət sərgiləri zamanı üzbəüz görüşlər hələ də vacibdir. Bununla yanaşı, turizm idarələri getdikcə daha çox müstəqil pop-up tədbirlərinə diqqət yetirir. Bu tədbirlər turizm məkanlarını tanıtmaq və hədəf auditoriya ilə fərdi və yaxın əlaqə qurmaq üçün daha effektiv bir yanaşma təqdim edir.
Əsas bazar mərkəzləri arasında ən böyük ticarət və biznes mərkəzi olan Seul ön plandadır. Bundan əlavə, Busan, İnçxon və Daegu kimi böyük şəhərlər də vacib hesab olunur. Regional bazarlara çıxış üçün isə Ulsan, Çanqvon və Cöncu kimi ikinci dərəcəli şəhərlər əhəmiyyət daşıyır.
Günel Ələkbərova, Şərqi Asiya üzrə regional menecer