01 okt 2025
Please select your language of preference.
Beynəlxalq Konqres və Konvensiya Assosiasiyasının (ICCA) üzvü olaraq, Azərbaycan Turizm Bürosu (ATB) 23-25 sentyabr tarixlərində Lüksemburqda keçirilən ICCASkills Sertifikatlı Beynəlxalq Konvensiya Mütəxəssisi (CICS) proqramında iştirak edib. ICCA tərəfindən təşkil olunan və Lüksemburq Konvensiya Bürosu tərəfindən təşkil edilən tədbir, beynəlxalq görüşlər sənayesində təcrübə və praktiki bacarıqların artırılması məqsədilə dünyanın müxtəlif ölkələrindən iştirakçıları bir araya gətirib.
Təlim boyunca iştirakçılar qlobal trendlərin beynəlxalq assosiasiya tədbirlərinə təsirini araşdırmaq və yerli tərəfdaşlarla əməkdaşlıq qurmaq üçün effektiv strategiyalar haqqında məlumat əldə edib.
Beynəlxalq Konqres və Konfranslar Assosiasiyası (ICCA) dünyanın turizm və görüşlər sahəsində fəaliyyət göstərən nüfuzlu təşkilatlarından biridir. Onun üzvləri sırasına dünyanın 100-ə yaxın ölkəsində fəaliyyət göstərən 1100-dən çox beynəlxalq görüşlər sənayesi bazarı təmsilçiləri daxildir. Assosiasiyanın məqsədi beynəlxalq konqres təşkilatçıları və bu kimi tədbirləri öz ölkələrinə cəlb etmək istəyən qurumları bir araya gətirmək və dünyada mütəmadi baş verən beynəlxalq tədbirlərin məlumat bazasını yeniləməkdir. Qeyd edək ki, Azərbaycan 2019-cu ildən ICCA-nın üzvüdür.
