Azərbaycanın turizm imkanları Seul şəhərində keçirilən beynəlxalq sərgidə nümayiş etdirilir

Azərbaycan 2024-cü il mayın 9-dan 12-dək Cənubi Koreyanın paytaxtı Seulda keçirilən “Seoul International Toursim Fair (SITF) - The Korea World Travel Fair (KOTFA)”-də iştirak edir. 4 sənaye tərəfdaşları, turizm agentlikləri ilə birlikdə, Azərbaycan müxtəlif turizm məhsulları təqdim edir.

Zəngin mədəni irsin, gözəl mənzərələrin, ucqar kəndlərdə köçəri həyat tərzinin təqdimatı ilə yanaşı, sərgi ziyarətçilərinə zəngin Azərbaycan mətbəxi barədə məlumat verilərək milli şirniyyatların dequstasiyası keçirilir.

Stendin qonaqları Azərbaycanın müxtəlif turizm təklifləri, o cümlədən Bakının İçərişəhəri, Qobustan Qayaüstü İncəsənət Mədəni Landşaftı və şimal-qərbdə yerləşən Şəki Tarixi Mərkəzi kimi YUNESKO-nun Ümumdünya İrsi siyahısına daxil edilmiş məkanlar haqqında ətraflı məlumat əldə edirlər.

“Seoul International Toursim Fair (SITF) - The Korea World Travel Fair (KOTFA)”-nın çərçivəsində həm B2B, həm də B2C görüşlər keçirilir.

Dostlarınla paylaş