təsnifat üçün

Ulduz kateqoriyaları üzrə sertifikatlaşdırma prosesi üçün sifariş forması və qiymətləndirmə prosesi

Ulduz kateqoriyaları üzrə sertifikatlaşdırma mehmanxanaların xidmət səviyyəsinin müəyyən edilmiş tələblərə uyğunluğunun qiymətləndirilməsini təmin edən sistemdir. Qiymətləndirmə çərçivəsində həyata keçirilən mütəmadi audit və inspeksiyalar mehmanxanalarda xidmət keyfiyyətinin davamlı şəkildə təmin edilməsi və müəyyən edilmiş standartların qorunması məqsədi daşıyır. Ulduz dərəcəsi əldə etmək üçün mehmanxanalar müəyyən edilmiş müraciət prosesini tamamlamalı və aşağıda göstərilən sənədləri təqdim etməlidirlər:

• Mehmanxananın sahibkarlıq subyektinin qanuni təmsilçisi və ya səlahiyyətlərin ötürüldüyü müvafiq təsdiqedici sənədlə təsdiqlənən mehmanxana nümayəndəsi Sifariş Formasını - dolduraraq YVSO-nun rəsmi elektron poçt ünvanına göndərməklə və ya ATB saytı vasitəsilə müraciət edə bilər.
• Sifariş Forması ilə yanaşı sahibkara məxsus VÖEN’in surəti, rekvizitlər, mehmanxananın meneceri sahibkardan fərqli şəxs olduqda onun səlahiyyətlərini təsdiq edən müvafiq sənəd (daxili əmr, əmək müqaviləsi, etibarnamə) də təqdim edilməlidir. 
• Əlavə olaraq sifariş formasında Əlavə 3 bölməsində qeyd olunan sənədlərin mövcudluğu təsdiqlənərsə, qeyd edilən məlumatların doğruluğunun təmin edilməsi məqsədilə müvafiq sənədlər də təqdim edilməlidir.