8-10 Sentyabr, 2026

WTM Riyadh 2026

Yaxın Şərq

Səudiyyə Ərəbistan, Riyadh

WTM Riyadh 2026

WTM Spotlight Riyadh 2026 beynəlxalq səviyyədə tanınan World Travel Market sərgilər portfelinin tərkib hissəsi olmaqla, Yaxın Şərq regionunda turizm sənayesi üzrə ən mühüm B2B (biznesdən-biznesə) beynəlxalq tədbirlərdən biri hesab olunur. Sərgi dünyanın müxtəlif ölkələrindən aparıcı turizm mütəxəssislərini, turizm destinasiyalarının nümayəndələrini, alıcıları və digər sənaye iştirakçılarını bir araya gətirərək şəbəkələşmə imkanlarının genişləndirilməsi, strateji tərəfdaşlıqların qurulması və qlobal turizm sənayesində biznes fəaliyyətinin inkişafı üçün əlverişli platforma formalaşdırır. 

Tədbir turizm sənayesinin müxtəlif sahələrini əhatə edir və burada turizm və destinasiya marketinqi təşkilatları, hotel və qonaqpərvərlik sektorunda fəaliyyət göstərən qruplar, turoperatorlar, turizm texnologiyaları şirkətləri və eləcə də təcrübəyə əsaslanan turizm məhsulları təqdim olunur. Sərgi Avropa, Yaxın Şərq, Asiya-Sakit Okean regionu, Afrika və Amerika qitələrində yerləşən əsas və inkişaf etməkdə olan turizm bazarlarından iştirakçıları bir araya gətirir ki, bu da turizm sənayesinin qlobal mahiyyətini və Səudiyyə Ərəbistanının beynəlxalq turizm mərkəzi kimi yüksələn mövqeyini nümayiş etdirir.  

İştirak haqqı: 1000 AZN (ƏDV daxil deyil).

İştirak haqqı şirkətdən 2 nəfər üçün nəzərdə tutulub. 

QEYD: Səyahət xərcləri iştirakçı şirkət tərəfindən qarşılanır.

Qeydiyyatdan keçmək iştirakın təsdiqi demək deyil. İştirakınız qeydiyyat müddəti başa çatdıqdan sonra yenidən yoxlanılacaq və təsdiqləndikdən sonra rəsmiləşdiriləcək. Tədbirin keçiriləcəyi məkan və ətraflı proqram yalnız iştirakı təsdiqlənmiş şirkətlərə e-mail vasitəsi ilə göndəriləcək.

Qeydiyyat üçün son tarixi: 8 iyul 2026-cı il

Əlavə məlumat üçün:
[email protected]

[email protected]

Dostlarınla paylaş

Oxşar tədbirlər