hotellərin

Azərbaycan Hotel Təsnifatı Sistemi Dövlət Turizm Agentliyi, Azərbaycan Turizm Bürosu və Azərbaycan Hotel Assosiasiyasının birgə əməkdaşlığı ilə Azərbaycanda qonaqpərvərlik sənayesinin beynəlxalq rəqabət qabiliyyətini artırmaq və qorumaq üçün təsis edilib. 

Azərbaycan Turizm Bürosunun Mehmanxanaların ulduz kateqoriyaları sertifikatlaşdırma orqanı (MUKSO) 2019-cu ildən etibarən ISO 17065 standartı əsasında akkreditasiyadan keçmiş və Azərbaycan hotel təsnifatı sistemini tətbiq edən sertifikatlaşdırma orqanı olaraq fəaliyyət göstərir.

 Sertifikatlaşdırma prosesi “Avropa Hotel Təsnifatı” (Hotelstars Union) sxeminə uyğunlaşdırılıb və onun prinsip və meyarları rəhbər tutularaq tətbiq edilir.

2021-ci ildən etibarən Turizm haqqında qanununun 8.1-ci maddəsinə əsasən hotellərin ulduz kateqoriyalarının müəyyən edilməsi məcburidir. 

Ulduz təsnifatı üçün müraciət etməzdən əvvəl Mehmanxanaların ulduz kateqoriyalarının qiymətləndirmə meyarları nı nəzərdən keçirməyi tövsiyə edirik.

Azərbaycan Hotel Təsnifatı Sisteminə daxil olan və sertifikatlaşdırılan  hotellərin siyahısı ilə buradan tanış ola bilərsiz.