Azərbaycan Turizm Bürosu  “Azerbaijan.travel” platformasında tərəfdaş inteqrasiya proqramını aktivləşdirib

Azərbaycan Turizm Bürosu “Azerbaijan.travel” platformasında bron edilə bilən turizm məhsullarının təqdimatını genişləndirmək məqsədilə “Azerbaijan.travel Tərəfdaş İnteqrasiya Proqramı”nı aktivləşdirib.

Bu təşəbbüs ilə ziyarətçilər Azərbaycanın rəsmi turizm portalında seçilmiş turlar, təcrübələr və yerləşmə imkanları ilə tanış olur, daha sonra isə birbaşa tərəfdaşların rezervasiya sistemlərinə keçid edərək sifarişi tamamlayırlar.

Proqram Tərəfdaşların məhsulları “Azerbaijan.travel” platformasının müvafiq səhifələrində və tematik seçimlərdə təqdim olunmasını təmin edir. İstifadəçilər birbaşa tərəfdaşın bronlama sisteminə keçərək sifarişlərini tamamlayırlar. Seçilmiş məhsullar ATB-nin mövsümi kampaniyaları və xüsusi təşəbbüsləri çərçivəsində əlavə təqdimat və tanıtım imkanı qazanır.

Tərəfdaşlar məzmunu, mövcudluğu və qiymətləri daim aktual saxlamalı, aydın şərtlər və ləğvetmə siyasətini təqdim etməli, müştəri müraciətlərini peşəkar şəkildə idarə etməli və məlumatların qorunması tələblərinə uyğun olaraq ümumiləşdirilmiş performans təhlilini aparmalıdır.

Qoşulma prosesi zamanı müəssisələr onlayn ərizə formasını doldurur, ATB isə müraciətləri uyğunluq meyarlarına əsasən nəzərdən keçirir və zərurət olduqda qısa tanışlıq görüşü təşkil edir. Təsdiqdən sonra texniki inteqrasiya həyata keçirilir və uyğun məhsullar platformada aktivləşdirilir.

Müraciət formu:

https://tourismboard.az/az/page/1743-terefdas-inteqrasiya-proqrami#application_form

Seçim meyarları haqqında əlavə məlumat üçün: [email protected]

Dostlarınla paylaş